1. Presentación 2. Esquema 3. Introducción ó río Xallas 4.O río 4.1. Lugares polos que pasa o río Xallas 4.2. Nacemento 4.3. Afluentes 4.4. Praias fluviais 4.4.1 Merendeiros 4.5.Muiños 5. Pesca 5.1. Cotos 6. Fauna 7. Flora 8. Encoros 8.1.Impactos dos encoros no entorno 8.2Uso dos encoros 9. Desembocadura 9.1.Central hidroeléctrica 9.2.Impacto no entorno desta. 10. Historias e lendas 11. Videos e fotos
Dende a Ponte Ézaro a divisoria da cunca, pola marxe dereita,comezaa a manifestarse claramente co impoñente macizo granítico do monte Pindo, o Olimpo dos deuses galegos, ó decir do mestre Otero Pedrayo, dende o seu cumio da Mamoa (641 m) diríxese cara ó SE polo Petón de Cornes (445 m) e o Alto de Adraño ( 503 m). Fai logo unha incurvación arrodeando polo sur as fontes do río Beva ata o Alto dos Confurcos, onde toma unha decidida dirección NE debuxándose de maneira moi indecisa polas Brañas de Gosende que parten augas entre o río Abuín e o río Trece (afluente do río Barcala) ata acadar o monte Boiro (527 m). A partin deste punto a divisoria márcase moi nítidamente: formada polo bordo da fractura meridiana o pé da cal corren as augas do Dubra. Seguen os lindes polo monte Castelo (569 m) onde teñen orixe as nacentes do Xallas e, logo, rodeando a lagoa de Alcaián ou Braña Rubia, acadan o alto de Campelo ( 449 m) separando as augas que van ó río Anllóns, e dirixíndose, de seguido, ó SO ata o cumio do Couso (538 m)
Unha serie de fallas de dirección NO / SE, concretamente tres segundo NONN, sitúandose ó pé do bordo N ergueito da Meseta de erosión co que resulta, por unha parte, un descenso en sucesivos chanzos dende as penechairas ata a comarca de Bergantiños, e , por outra, que toda a cabeceira do Xallas presenta unha imaxe de alteriosos “horst” ben configurado pola disposición das fracturas que o arrodean.
Dende o Couso a divisoria camiña cara o SO facéndose tortuosa e indecisa, e separando as cuncas do río Grande e o do río de Castro ata acada-lo monte da Croa (432 m). Torce cara ó sur e polo alto da Cruz (563 m ) e a Corvaliza (472 m) acabala os montes de Buxantes ata acadar de novo a Ponte do Ézaro.
A cunca así delimitada ten unha extensión de 504,2 km² cun índice de alongamento do 0,39.Presenta unha lixeira asimetría a favor da banda esquerda que posúe os afluentes máis longos: na marxe dereita os de maior lonxitude son o río Mira con 8 km e o río García con 9 km pola esquerda o Abuín con 19,5 km e o río Beba con 16 km.
O río colector que a drena ten unha lonxitude de 64,5 km contando a cabeceira do río Bazar. O seu índice é de gran sinuosidade 1,62 e a súa pendente media é de 0,68 % que se tradice nos seguintes tramos do perfil.
O motivo deste blog é a realización dun proxecto do segundo ano do Ciclo Superior de Xestión e Organización de Recursos Naturais e Paisaxísticos que estamos a cursar no IES de Arzúa (A Coruña). Con este traballo queremos dar a coñecer o río Xallas, pero non só no seu aspecto físico senón que tamén pretendemos dar a coñecer as comarcas polas que pasa,as súas xentes,etc. Esperamos que vos guste.
0 comentarios:
Publicar un comentario